ବର୍ଷକ ମଧ୍ୟରେ କରୋନାରେ କାହାର ପ୍ରାଣ ଯାଇନଥିବାରୁ ଲଣ୍ଡା ହେଲେ ଗ୍ରାମବାସୀ
ଭୋପାଳ: ବର୍ଷକ ମଧ୍ୟରେ କରୋନା ଯୋଗୁଁ ଯାଇନାହିଁ ଗ୍ରାମବାସୀଙ୍କ ଜୀବନ | ଆଉ ମନୋସ୍କାମନା ପୂରଣ ହୋଇଥିବାରୁ ଆଜି ନୂଆ ବର୍ଷ ଅବସରରେ ଲଣ୍ଡା ହୋଇଛନ୍ତି ସମସ୍ତ ଗ୍ରାମବାସୀ | ମଧ୍ୟପ୍ରଦେଶର ନିମଚରେ ଥିବା ଏକ ଗ୍ରାମର ଗ୍ରାମବାସୀଙ୍କ କିଛି ଏଭଳି ମାନସିକକୁ ନେଇ ସାରା ରାଜ୍ୟରେ ଚର୍ଚ୍ଚା ଜୋର ଧରିଛି | ସୂଚନା ମୁତାବକ ମଧ୍ୟପ୍ରଦେଶର ନିମଚ ଜିଲ୍ଲାର ମନାସା ତହସିଲର ଗାଁ ଦେଓରୀ ଖାଭାସା ଗ୍ରାମରେ କରୋନା ଯୋଗୁଁ କାହାର ମୃତ୍ୟୁ ହୋଇନଥିବାରୁ ଗାଁର ୯୦ ଜଣ ଲୋକ ଖୁସିରେ ଲଣ୍ଡା ହୋଇଥିଲେ |
Sambad is now on WhatsApp
Join and get latest news updates delivered to you via WhatsApp
ତେବେ କେବଳ ଲଣ୍ଡା ହୋଇନଥିଲେ ବରଂ ଗ୍ରାମବାସୀମାନେ ଗୀତ ଗାଇ ନାଚୁଥିବାର ଦେଖିବାକୁ ମିଳିଥିଲା। ଗାଁର ଦେବନାରାୟଣ ମନ୍ଦିରରୁ ଏହି ଶୋଭାଯାତ୍ରା ବାହାରିଥିଲା, ଯାହା ସାରା ଗାଁ ପରିକ୍ରମା କରିଥିଲା । ଆଉ ଏହା ପରେ ପ୍ରତ୍ୟେକ ପରିବାରର ଜଣେ ଜଣେ ସଦସ୍ୟ ଲଣ୍ଡା ହୋଇଥିଲେ |
ବାସ୍ତବରେ, ଗ୍ରାମବାସୀମାନେ କରୋନା ସମୟରେ ଗାଁର ଦେବନାରାୟଣ ମନ୍ଦିରରେ ଭଗବାନଙ୍କ ନିକଟରେ ମନୋସ୍କାମନା କରିଥିଲେ ଯେ ଯଦି ଗାଁର କୌଣସି ବ୍ୟକ୍ତିଙ୍କର କରୋନାରେ ମୃତ୍ୟୁ ହେବନାହିଁ, ତେବେ ଗାଁର ପ୍ରତ୍ୟେକ ଘରୁ ଜଣେ ବ୍ୟକ୍ତି ଲଣ୍ଡା ହେବେ | ଆଉ ୨୦୨୧ରେ ଗାଁର କୌଣସି ବ୍ୟକ୍ତିଙ୍କର କରୋନାରେ ମୃତ୍ୟୁ ହୋଇନଥିବାରୁ ଗ୍ରାମବାସୀମାନେ ଏକତ୍ରିତ ହୋଇ ଲଣ୍ଡା ହୋଇଥିଲେ |