ଭୁବନେଶ୍ୱର: ଭୁବନେଶ୍ୱରର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ସ୍ମାଇଲ ୱାର୍ଲଡ୍‌ ପକ୍ଷରୁ ସ୍ଥାନୀୟ ଡୁମୁଡୁମାସ୍ଥିିତ ଆଦର୍ଶ ଶିଶୁ ବିଦ୍ୟାମନ୍ଦିର ପରିସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୨ ୟୁନିଟ ରକ୍ତ ସଂଗୃହୀତ ହୋଇଯାଇଛି। ସମ୍ୱାଦ-ଆମ ଓଡ଼ିଶାର ସହଯୋଗରେ ଆୟୋଜିତ ଏହି ଶିବିରକୁ ରଘୁନାଥନଗରର ବରିଷ୍ଠ ନାଗରିକ ନଟବର ବେହେରା ଉଦ୍‍ଘାଟନ କରିଥିଲେ। ସ୍ମାଇଲ ୱାର୍ଲଡ୍‌ର ପ୍ରତିଷ୍ଠାତା ସୂର୍ଯ୍ୟନାରାୟଣ ଗୌଡ଼ ପରିଚାଳନା କରିଥିଲେ। ଆଦର୍ଶ ଶିଶୁ ବିଦ୍ୟାମନ୍ଦିରର ଅଧ୍ୟକ୍ଷ ତନ୍ମୟ କୁମାର ସାହୁ ଓ ପୁଷ୍ପଲତା ଜେନା ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ। ସନ୍ତୋଷ କମଳ, ଶଶାଙ୍କ ଶେଖର ବିଶ୍ୱାଳ, ପାଣୁଆ ରାଉତରାୟ, ପ୍ରମୋଦ ପାତ୍ର, ନଗେନ୍ଦ୍ର ବାହାଲିଆ, ସୁବ୍ରତ କୁମାର ବିଶ୍ୱାଳ, ଗିରିଜା ପ୍ରସାଦ ସ୍ୱାଇଁ, ପ୍ରୀତମ୍‍ ବାଡତ୍ୟା ଓ ପୁଷ୍ପଜିତ ଖୋଲେକୋ ଶିବିର ପରିଚାଳନାରେ ସହାୟତା କରିଥିଲେ। ଅନୁଷ୍ଠାନର ସଦସ୍ୟ/ସଦସ୍ୟା ତଥା ଅନ୍ୟ ସ୍ୱେଚ୍ଛା ରକ୍ତଦାତାମାନେ ଏହି ଶିବିରରେ ରକ୍ତଦାନ କରିଥିଲେ। ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ରକ୍ତଭଣ୍ଡାରର ସହକର୍ମୀମାନେ ଶିବିରରୁ ରକ୍ତସଂଗ୍ରହ କରିଥିଲେ। ‘ଆମ ଓଡ଼ିଶା’ର ରକ୍ତଦାନ ସଂଯୋଜକ ହରେକୃଷ୍ଣ ପ୍ରଧାନଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଶିବିରଟି ଅନୁଷ୍ଠିତ ହୋଇଥିଲା।