ହେଡିଂଲେ ଟେଷ୍ଟ : ଭାରତ ବିପକ୍ଷରେ ନିଜ ସ୍ଥିତିକୁ ମଜବୁତ କଲା ଇଂଲଣ୍ଡ, ପ୍ରଭାବହୀନ ଭାରତୀୟ ବୋଲର
ଲିଡ୍ସ : ଲିଡ୍ସର ହେଡିଂଲେ କ୍ରିକେଟ୍ ଗ୍ରାଉଣ୍ଡଠାରେ ଚାଲିଥିବା ୩ୟ ଟେଷ୍ଟରେ ଭାରତ ବିପକ୍ଷରେ ନିଜର ସ୍ଥିତିକୁ ମଜବୁତ କରିଛି ଇଂଲଣ୍ଡ । ସର୍ବଶେଷ ସୂଚନା ମୁତାବକ ଇଂଲଣ୍ଡ କୌଣସି ଓ୍ବିକେଟ ନ ହରାଇ ୧୩୩ ରନ କରିଛି ।
Sambad is now on WhatsApp
Join and get latest news updates delivered to you via WhatsApp
ଗତ କାଲି ମ୍ୟାଚର ପ୍ରଥମ ଦିନରେ ଭାରତ ଲଜ୍ଜାଜନକଭାବେ ମାତ୍ର ୭୮ ରନରେ ଅଲଆଉଟ ହେବା ପରେ ଇଂଲଣ୍ଡ ନିଜର ବ୍ୟାଟିଂ ଆରମ୍ଭ କରିଥିଲା । ଦଳପକ୍ଷରୁ ରୋରି ବର୍ନସ ଓ ହସିବ ହମିଦ ବ୍ୟାଟିଂ ଆରମ୍ଭ କରି ସତର୍କତାର ସହ ସ୍କୋରକୁ ଆଗେଇ ନେଇଥିଲେ । ଗତ କାଲି ଷ୍ଟମ୍ପସ ଅପସାରଣ ବେଳକୁ ଇଂଲଣ୍ଡ କୌଣସି ଓ୍ବିକେଟ ନ ହରାଇ ୧୨୦ ରନ କରିଥିଲା । ଆଜି ୨ୟ ଦିନରେ ଇଂଲଣ୍ଡର ଦୁଇ ଓପନର ସତର୍କତାର ସହ ନିଜର ବ୍ୟାଟିଂ ଜାରି ରଖିଛନ୍ତି । ସର୍ବଶେଷ ଖବର ମିଳିବା ପର୍ଯ୍ୟନ୍ତ ଇଂଲଣ୍ଡ କୌଣସି ଓ୍ବିକେଟ ନ ହରାଇ ୧୩୩ ରନ କରିଛି । ଏହା ସହିତ ଦଳ ପ୍ରଥମ ଇନିଂସରେ ୫୫ ରନରେ ଆଗୁଆ ହୋଇଯାଇଛି । ହମିଦ ୬୫ ଓ ବର୍ନସ ୬୦ ରନ କରି ଖେଳୁଛନ୍ତି ।