ଆଇପିଏଲ୍-୧୩ : ସନରାଇଜର୍ସ ହାଇଦ୍ରାବାଦକୁ ୧୦ ରନ୍ରେ ପରାସ୍ତ କଲା ରୟାଲ ଚାଲେଞ୍ଜର୍ସ ବାଙ୍ଗାଲୋର
ଦୁବାଇ: ଇଣ୍ଡିଆନ ପ୍ରିମିୟମ୍ ଲିଗ୍ (ଆଇପିଏଲ-୧୩)ର ତୃତୀୟ ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ୧୦ ରନ୍ରେ ପରାସ୍ତ କରିଛି ରୟାଲ୍ ଚାଲେଞ୍ଜର୍ସ ବାଙ୍ଗାଲୋର । ଦ୍ବିତୀୟ ପାଳିରେ ହାଇଦ୍ରାବାଦ ୧୬୪ ରନ୍ର ପିଛାକରି ୧୯.୪ ଓଭରରେ ସମସ୍ତ ୱିକେଟ ହରାଇ ୧୫୩ରନ୍ କରିବାକୁ ସକ୍ଷମ ହୋଇଥିଲା । ସନରାଇଜର୍ସ ହାଇଦ୍ରାବାଦ ପକ୍ଷରୁ ଜନି ବେୟାରଷ୍ଟୋ ୪୩ ବଲରେ ୬୧ରନ୍ କରିଥିବା ବେଳେ ମନୀଷ୍ ପାଣ୍ଡେ ୩୩ ବଲରେ ୩୪ ରନ୍ କରିଥିଲେ । ବେୟାରଷ୍ଟୋ ଦମ୍ଦାର ୬୧ ରନ୍ କରିଥିଲେ ମଧ୍ୟ ଏହା ସନରାଇଜର୍ସ ହାଇଦ୍ରାବାଦକୁ ବିଜୟ ଦେଇପାରି ନଥିଲା। ଅନ୍ୟପଟେ ବାଙ୍ଗାଲୋର ପକ୍ଷରୁ ୟୁଜବେନ୍ଦ୍ର ଚହଲଙ୍କ ବୋଲିଂ ଚମକ ଦେଖିବାକୁ ମିଳିଥିଲା ଯେତେବେଳେ ବାଙ୍ଗାଲୋର ହାତରୁ .ଖେଳ ଖସିଯିବା ଭଳି ଲାଗୁଥିଲା ଓ ୱିକେଟ ପଡ଼ିବା ଜରୁରୀ ଥିଲା ସେହି ସମୟରେ ୧୫ତମ ଓଭରରେ ୨ଟି ୱିକେଟ ନେଇ ବାଙ୍ଗାଲୋରକୁ ପୁଣି ଗେମ୍କୁ ଫେରାଇଥିଲେ ଚହଲ । ବାଙ୍ଗାଲୋର ପକ୍ଷରୁ ୟୁଜବେନ୍ଦ୍ର ଚହଲ ୩ଟି ୱିକେଟ ନେଇଥିବା ବେଳେ ଶିବମ୍ ଦୁବେ ଓ ନବଦୀପ ସାଇନି ୨-୨ଟି ୱିକେଟ ଓ ଡେଲ ଷ୍ଟେନ୍ ଗୋଟିଏ ୱିକେଟ ନେଇଛନ୍ତି। ଚହଲ ମ୍ୟାନ୍ ଅଫ ଦି ମ୍ୟାଚ୍ ବିବେଚିତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ସନରାଇଜର୍ସ ହାଇଦ୍ରାବାଦ ଦଳ ଟସ ଜିଣି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ବାଙ୍ଗାଲୋରର ଦୁଇ ଓପନର ଦେବଦତ୍ତ ପାଡିକଲ୍ଲ ଓ ଆରନ ଫିଞ୍ଚ୍ ସତର୍କତାର ସହ ଖେଳି ଦଳକୁ ଏକ ଦୃଢ ମୂଳଦୁଆ ପ୍ରଦାନ କରିଥିଲେ । ଦେବଦତ୍ତ ୫୬ ରନ ସଂଗ୍ରହ କରିଥିବା ବେଳେ ଫିଞ୍ଚ୍ ୨୯ ରନ କରି ଆଉଟ ହୋଇଥିଲେ । ଦଳୀୟ ସ୍କୋର ୯୦ ହୋଇଥିବାବେଳେ ଉଭୟ ଓପନର ପାଭିଲିୟନ ଫେରିଥିଲେ । ୩ୟ ସ୍ଥାନରେ ଖେଳୁଥିବା ଅଧିନାୟକ ବିରାଟ କୋହଲି ମାତ୍ର ୧୪ ରନ କରି ଆଉଟ ହୋଇଥିଲେ । ତେବେ ଆଜି ଅଭିଜ୍ଞ ଏବି ଡିଭିଲିୟର୍ସଙ୍କ ବ୍ୟାଟ ଚମକିଥିଲା । ସେ ମାତ୍ର ୩୦ଟି ବଲ ଖେଳି ୫୧ ରନର ବିସ୍ଫୋରକ ଇନିଂସ ଖେଳିଥିଲେ । ତାଙ୍କର ଏହି ଧୁଆଁଧାର ଇନିଂସ ପାଇଁ ବାଙ୍ଗାଲୋର ଦଳ ନିର୍ଦ୍ଧାରିତ ୨୦ ଓଭରରେ ୫ ଓ୍ଵିକେଟ ହରାଇ ୧୬୩ ରନ କରିଥିଲା ।