୫ ସଟ୍ଟା ବେପାରୀ ଗିରଫ: ୪ ଲକ୍ଷ ଟଙ୍କା ଜବତ
ରାଉରକେଲା : ରାଉରକେଲା ସମେତ ସୁନ୍ଦରଗଡ଼ରରେ ସଟ୍ଟା ନେଟୱାର୍କ ଚଳାଇଥିବା ଏକ ଗ୍ୟାଙ୍ଗର କିଙ୍ଗପିନ୍ ସମେତ ୫ଜଣଙ୍କୁ ଗିରଫ କରିଛି ଉଦିତନଗର ପୁଲିସ। ଗିରଫ ଅଭିଯୁକ୍ତମାନେ ହେଲେ ବାସନ୍ତିକଲୋନି ଏ-୫୨ର କିଙ୍ଗପିନ୍ ଉମା ସିଂହ, ପ୍ଲାଣ୍ଟସାଇଟ୍ ଆଜାଦ ମହଲ୍ଲାର ମହମ୍ମଦ ରିଫକ୍, ବେଦବ୍ୟାସ ସିଂହଟୋଲାର ମନପ୍ରିତ ସିଂହ, ନାଲାରୋଡର ଉତ୍ତମ କୁମାର ଶର୍ମା, ରାଉରକେଲା ଡେଲିମାର୍କେଟର ରାଜୁ ଲୋଧି। ସେମାନଙ୍କ ନିକଟରୁ ନଗଦ ୪ ଲକ୍ଷ ୧ ହଜାର ୧୧୭ ଟଙ୍କା, ସଟ୍ଟା ଖେଳରେ ବ୍ୟବହୃତ ବୋର୍ଡ ସମେତ ଅନ୍ୟାନ୍ୟ ସାମଗ୍ରୀ ଜବତ ହୋଇଛି। ଗତକାଲି ରାତି ପ୍ରାୟ ସାଢ଼େ ୭ଟାରେ କିଙ୍ଗପିନ୍ ଉମାର ଏଲ୍-୫୨ ଘରେ ସଟ୍ଟା ଖେଳ ଚାଲିଥିବା ସୂଚନା ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନା ଆଧାରରେ ଡିଏସ୍ପି ଜ୍ୟୋର୍ତିମୟ ଭୁକ୍ତାଙ୍କ ନେତୃତ୍ବରେ ଗଠିତ ପୁଲିସ ଟିମ୍ ଚଢ଼ଉ କରି ଏମାନଙ୍କୁ ଗିରଫ କରିଥିଲା।