ଆଠଗଡ଼ : ଭାଇ ହତ୍ୟାକାରୀକୁ ଆଜୀବନ କାରାଦଣ୍ଡ
ଆଠଗଡ଼ : ଆଠଗଡ଼ ଅତିରିକ୍ତ ଜିଲ୍ଲା ଦୌରାଜଜ୍ ଅମୃତରଞ୍ଜନ ନନ୍ଦ ଶୁକ୍ରବାର ଏକ ଭ୍ରାତୃହତ୍ୟା ମାମଲାର ବିଚାର କରି ଆସାମୀକୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଯେ ଗତ ୨୦୧୬ ଅକ୍ଟୋବର ୭ ତାରିଖ ସଂଧ୍ୟା ୬ଟାରେ ବଡ଼ମ୍ବା ଥାନା ତାଳମୁଣ୍ଡଳି ଗ୍ରାମର ପ୍ରଫୁଲ୍ଲ ଦେହୁରୀ ପୂର୍ବ ଶତ୍ରୁତାରୁ ସାନ ଭାଇ ସୁଶାନ୍ତ ଦେହୁରୀଙ୍କୁ ମରଣାନ୍ତକ ଆକ୍ରମଣ କରିଥିଲେ। ଫଳରେ, ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ଏ ସମ୍ପର୍କରେ ବଡ଼ମ୍ବା ଥାନାରେ ଲିଖିତ ଅଭିଯୋଗ ହେବା ପରେ ପୁଲିସ୍ ହତ୍ୟା ମାମଲା ରୁଜ୍ଜୁ କରିଥିଲା। ଶୁକ୍ରବାର ବିଚାରପତି ସମସ୍ତ ସାକ୍ଷ୍ୟ ପ୍ରମାଣ ଓ ଡାକ୍ତରୀ ରିପୋର୍ଟ ଆଧାରରେ ଅଭିଯୁକ୍ତ ପ୍ରଫୁଲ୍ଲକୁ ଦୋଷୀ ସାବ୍ୟସ୍ତ କରିବା ସହିତ କାରାଦଣ୍ଡାଦେଶ ଦେଇଥିବା ଜଣାଯାଇଛି। ସରକାରଙ୍କ ତରଫରୁ ଅତିରିକ୍ତ ପବ୍ଲିକ୍ ପ୍ରସିକ୍ୟୁଟର ଶରତ କୁମାର ଦାଶ ମାମଲା ପରିଚାଳନା କରିଥିଲେ।