ବିରକ୍ତ ହୋଇ ଫାଇଲ ଫେରାଇଥିଲି: ସଙ୍ଗୀତା ପିଙ୍ଗୁଆ
ଯାଜପୁରସଦର/ ବ୍ୟାସନଗର : ବ୍ୟାସନଗର ପୌରାଞ୍ଚଳର ନୀଳାଚଳ କଲୋନିରେ କିଛିଦିନ ତଳେ ଟାୱାର ବସାଇବାକୁ ନେଇ ସମସ୍ୟା ହୋଇଥିଲା। ୫୦/୧୦୦ ଲୋକ ଆସି ଏହାକୁ ବିରୋଧ କରିଥିଲେ। ଘର କାନ୍ଥକୁ ଲାଗି ଟାୱାର ତିଆରି ହେଉଥିବାରୁ ସେମାନେ ଆପତ୍ତି ଜଣାଇ ଦରଖାସ୍ତ କରିଥିଲେ। ମୁଁ ନିର୍ବାହୀ ଅଧିକାରୀଙ୍କୁ ଏ ବିଷୟରେ ଡାକି ପଚାରିବା ସହ କ୍ଷେତ୍ର ପରିଦର୍ଶନ କରିବାକୁ କହିଥିଲି। ପରବର୍ତ୍ତୀ ସମୟରେ କ୍ରାଇଟେରିଆରେ ଆସୁନଥିବାରୁ ଆମେ ତାକୁ ବନ୍ଦ କରିଦେଇଛୁ ବୋଲି ନିର୍ବାହୀ ଅଧିକାରୀ କହିଥିଲେ। ଏହାପରେ ବି ପୁନର୍ବାର ଲୋକମାନେ ଆସି ମତେ ଘରେ ଓ ଅଫିସରେ ଘେରାଉ କଲେ। ପୁଣି କେମିତି ଟାୱାର ବସାଇବାକୁ ଅନୁମତି ଦେଲେ ବୋଲି ସେମାନେ ମତେ ପ୍ରଶ୍ନ କରିଥିଲେ। ଅନ୍ୟପଟେ ନିର୍ବାହୀ ଅଧିକାରୀ ଏନ୍ଓସି ଦେଇଥିଲେ। ତାଙ୍କୁ ପଚାରିବାକୁ ‘କିଛି ଜାଣିନି ବୋଲି କହିଥିଲେ। କିନ୍ତୁ ସେଥିରେ ତାଙ୍କ ସ୍ବାକ୍ଷର ଥିଲା। ତେଣୁ ବିରକ୍ତିଭାବ ପ୍ରକାଶ କରି ଫାଇଲଟି ତାଙ୍କୁ ଫେରାଇଥିଲି ବୋଲି ପୌରାଧ୍ୟକ୍ଷା କହିଛନ୍ତି।