ଦୁର୍ଘଟଣାରେ ମହିଳା ମୃତ
ବଡ଼ସାହି/ମାଣତ୍ରୀ : ମୟୂରଭଞ୍ଜ ଜିଲ୍ଲା ବଡ଼ସାହି-ମାଣତ୍ରୀ ରାସ୍ତାର ବଦଳିଗାଁ ଛକରେ ଆଜି ମଧ୍ୟାହ୍ନରେ ଦୁଇଟି ବାଇକ୍ ମଧ୍ୟରେ ଧକ୍କା ହେବାରୁ ଜଣେ ମହିଳାଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଗୁରୁତର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବଡ଼ସାହି ଥାନା ଯମୁନା ଗ୍ରାମର ବାବୁଲି ସିଂଙ୍କ ସ୍ତ୍ରୀ ଅନିତା (୩୫) ଖୁଣ୍ଟାପାଳ ଗ୍ରାମର ନିଜ ଭାଇ ଅଜିତ ସିଂଙ୍କ ଓଡି୦୧ଏଲ୍-୬୮୯୧ ନମ୍ବର ବିଶିଷ୍ଟ ବାଇକ୍ରେ ନିଜ ୨ ପିଲାଙ୍କୁ ନେଇ ମାଣତ୍ରୀ ଶିବ ମନ୍ଦିରରୁ ପୂଜା ସାରିି ଘରକୁ ଫେରୁଥିଲେ। ଓଡି୦୧ସି-୨୬୨୩ ନମ୍ବର ବିଶିଷ୍ଟ ଅନ୍ୟ ଏକ ବାଇକ୍ରେ ହରିପୁର ଗ୍ରାମର ସୁଶାନ୍ତ ସାହୁ ଓ ଜଣେ ସାଙ୍ଗ ଦ୍ରୁତଗତିରେ ଆସି ବଦଳିଗାଁ ନିକଟରେ ଅଜିତଙ୍କ ବାଇକକୁ ଧକ୍କା ଦେବା ଫଳରେ ବାଇକ୍ରେ ବସିଥିବା ଅନିତା ଓ ତାଙ୍କର ୨ ପିଲା ଏବଂ ଚାଳକ ଅଜିତ ରାସ୍ତା ପାର୍ଶ୍ୱକୁ ଛିଟିକି ପଡି ଗୁରୁତର ହୋଇଥିଲେ। ସୁଶାନ୍ତ ଓ ତାଙ୍କ ସାଙ୍ଗ ମଧ୍ୟ ଗୁରୁତର ହୋଇଥିଲେ। ବଡ଼ସାହି ଥାନାଧିକାରୀ ଜୟନାରାୟଣ ଖଣ୍ଡେଇ ଘଟଣାସ୍ଥଳରେ ପହଞ୍ଚି ଆମ୍ବୁଲାନ୍ସ ଯୋଗେ ସମସ୍ତଙ୍କୁ ବାରିପଦା ପିଆର୍ଏମ୍ ମେଡ଼ିକାଲରେ ଭର୍ତ୍ତି କରିଥିଲେ। ସେଠାରେ ଅନିତାଙ୍କର ମୃତ୍ୟୁ ଘଟିଥିବା ବେଳେ ଅନ୍ୟମାନେ ଚିକିତ୍ସିତ ଅଛନ୍ତି।