ନିଉଜିଲାଣ୍ଡ ମସ୍ଜିଦ୍ ଗୁଳିକାଣ୍ଡ : ଆକ୍ରମଣ କରିବା ପୂର୍ବରୁ ଲାଇଭ୍ ଭିଡିଓ କରିଥିଲେ ବନ୍ଧୁକଧାରୀ ଆତତାୟୀ
ନୂଆଦିଲ୍ଲୀ : ନିଉଜିଲାଣ୍ଡରେ କ୍ରାଏଷ୍ଟଚର୍ଚରେ ଥିବା ଦୁଇଟି ମସ୍ଜିଦ୍ ଉପରେ ଆକ୍ରମଣ କରିବା ପୂର୍ବରୁ ଜଣେ ବନ୍ଧୁକଧାରୀ ଆତତାୟୀ ଲାଇଭ୍ ଭିଡିଓ କରିଥିଲେ ବୋଲି ସାମ୍ନାକୁ ଆସିଛି । ବନ୍ଧୁକଧାରୀ ଆତତାୟୀଜଣଙ୍କ ଲାଇଭ୍ ଭିଡିଓ ଆରମ୍ଭ କରି ମସ୍ଜିଦ୍ ଭିତରକୁ ପଶିଥିଲେ । ଏହା ପରେ ଧଡ଼ା ଧଡ଼ ଲୋକମାନଙ୍କ ଉପରକୁ ଗୁଳି ଚଳାଇବା ଆରମ୍ଭ କରି ଦେଇଥିଲେ । ଏହି ଆକ୍ରମଣରେ ପ୍ରାୟ ୪୯ଜଣ ଲୋକ ମୃତ୍ୟୁବରଣ କରିଥିବା ବେଳେ ୨୦ଜଣ ଲୋକ ଆହତ ହୋଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଲାଇଭ୍ କରାଯାଇଥିବା ଭିଡିଓରେ, ବନ୍ଧୁକଧାରୀ ଆତତାୟୀଜଣଙ୍କ ମସ୍ଜିଦ୍ ବାହାରେ ନିଜର କାର୍ ପାର୍କ କରିଥିଲେ । କାର୍ ଭିତରେ ବିଭିନ୍ନ ପ୍ରକାରର ବିସ୍ଫୋରକ ଜିନିଷ ରଖିଥିବା ବେଳେ ନିଜ ବୁଟ୍ରେ ବନ୍ଧୁକ ରଖିଥିବା ଦେଖା ଯାଇଥିଲା । ଏହା ପରେ ବନ୍ଧୁକଧାରୀ ଆତତାୟୀଜଣଙ୍କ ମସ୍ଜିଦ୍ ଭିତରକୁ ଯାଇ ଗୁଳିବର୍ଷା କରିବା ଆରମ୍ଭ କରି ଦେଇଥିବା ଦେଖା ଯାଇଥିଲା । ୧୫ମିନିଟ୍ ପର୍ଯ୍ୟନ୍ତ ଲାଇଭ୍ ଭିଡିଓ ଚାଲିଥିବା ବେଳେ ୧୫ମିନିଟ୍ ପରେ ତାହା ବନ୍ଦ ହୋଇ ଯାଇଥିଲା । ତେବେ ଏହି ଭିଡିଓ ଭାଇରାଲ ହେବାର ଆଶଙ୍କା ରହିଥିବାରୁ ନିଉଜିଲାଣ୍ଡ ପୁଲିସ ଏହାକୁ ହଟାଇବା ପାଇଁ ଚେଷ୍ଟା କରିବା ସହ ଲୋକମାନଙ୍କୁ ଏହାକୁ ସେୟାର ନ କରିବା ପାଇଁ ଅନୁରୋଧ କରିଛନ୍ତି ।
Police are aware there is extremely distressing footage relating to the incident in Christchurch circulating online. We would strongly urge that the link not be shared. We are working to have any footage removed.
— New Zealand Police (@nzpolice) March 15, 2019