ସ୍ୱାସ୍ଥ୍ୟକେନ୍ଦ୍ରରୁ ଛାଡ଼ ପୂର୍ବରୁ କେବଳ ଗୁରୁତର କରୋନା ଆକ୍ରାନ୍ତଙ୍କ ନମୁନା ପରୀକ୍ଷା କରାଯିବ, କେନ୍ଦ୍ରର ନୂଆ ଗାଇଡଲାଇନ
ନୂଆଦିଲ୍ଲୀ : ଦେଶରେ କରୋନା ସଂକ୍ରମିତ ସଂଖ୍ୟା ବଢିଚାଲିଥିବାରୁ କେନ୍ଦ୍ର ସରକାର ନିଜର ଟେଷ୍ଟିଂ ଗାଇଡଲାଇନ (ପରୀକ୍ଷା ନିୟମାବଳୀ)ରେ କେତେକ ପରିବର୍ତ୍ତନ ଅଣାଯାଇଛି ।
ଏଣିକି କେବଳ ଗୁରୁତର ରୋଗୀଙ୍କ ପରୀକ୍ଷା ପରେ ଡିସଚାର୍ଜ ବା ଡାକ୍ତରଖାନାରୁ ଛାଡ଼ କରାଯିବ । ଚିକିତ୍ସା ପରେ ସୁସ୍ଥ ହୋଇଥିବା ରୋଗୀମାନଙ୍କ ନମୁନା ପରୀକ୍ଷଣ କରାଯିବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଏବେ ପ୍ରଚଳିତ ବ୍ୟବସ୍ଥା ଅନୁସାରେ ଚିକିତ୍ସାଧିନ ରୋଗୀମାନଙ୍କ ନମୁନା ୨୪ ଘଣ୍ଟା ବ୍ୟବଧାନରେ ଦୁଇଥର ପରୀକ୍ଷା କରି ନେଗେଟିଭ ବାହାରିଲେ ଡିସଚାର୍ଜ କରାଯାଉଛି । ଜୁନ ଓ ଜୁଲାଇ ମାସରେ ଦେଶରେ ସଂକ୍ରମିତ ସଂଖ୍ୟା ଶିଖର ଛୁଇଁବା ଆଶଙ୍କା କରାଯାଉଥିବାରୁ ସେତେବେଳେ ଅଧିକ ସଂଖ୍ୟକ ଟେଷ୍ଟ କିଟ ଆବଶ୍ୟକ ପଡ଼ିବ । ଏହାକୁ ଦୃଷ୍ଟିରେ ରଖି ସରକାର ଏହି ପଦକ୍ଷେପ ନେଇଛନ୍ତି ।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସଂଶୋଧିତ ନିୟମ ଅନୁସାରେ ସାଧାରଣ ଲକ୍ଷଣ ଥିବା ବା କୌଣସି ଲକ୍ଷଣ ନଥିବା ସଂକ୍ରମିତମାନଙ୍କର କେବଳ ତାପମାତ୍ରା ଓ ପଲ୍ସ ଅକ୍ସିମେଟ୍ରି ମନିଟରିଂ କରାଯିବ । ଲଗାତାର ୧୦ ଦିନ ଧରି ଜଣେ ରୋଗୀଙ୍କର କୌଣସି ଲକ୍ଷଣ ଦେଖାଯିବ ନାହିଁ ଓ ଲଗାତାର ୩ ଦିନ ଧରି ଜ୍ୱର ରହିବ ନାହିଁ, ତେବେ ତାଙ୍କୁ ପରୀକ୍ଷା ନକରି ଛାଡ଼ କରିଦିଆଯିବ । ତେବେ ଡିସଚାର୍ଜ ପରେ ସେମାନଙ୍କୁ ଘରେ ୭ ଦିନ ପାଇଁ ଆଇସୋଲେସନରେ ରହିବାକୁ କୁହାଯିବ ।