କାଳିଆପାଣି : ଯାଜପୁର ଜିଲ୍ଲା ଟମକା ପୁଲିସ ପକ୍ଷରୁ ଶନିବାର ସକାଳେ ସୀମାନ୍ତ ଇଲାକା ଜନିନ୍ଦାପାଳରେ ଚଢ଼ଉ କରାଯାଇ ଏକ ପଥର ବୋଝେଇ ଭ୍ୟାନ୍ (ଓଡି-୨୨ଏଫ୍-୨୫୩୭)କୁ ଜବତ କରାଯିବା ସହ ଗାଡ଼ି ମାଲିକ ତଥା ଚାଳକକୁ ଗିରଫ କରାଯାଇଛି। ଏହି ବିରଳ ମୁଗୁନି ପଥର ଦୈତାରୀ ଓ ରେବଣା ସଂରକ୍ଷିତ ଜଙ୍ଗଲରୁ ସଂଗୃହୀତ ହୋଇଥିବା ତଦନ୍ତରୁ ସ୍ପଷ୍ଟ ହୋଇଛି। ଅଭିଯୁକ୍ତଜଣକ ଭଦ୍ରକ ଜିଲ୍ଲା ଆଗରପଡ଼ାର ମୂଳବାସିନ୍ଦା ମୂର୍ତ୍ତି ବ୍ୟବସାୟୀ ପୂର୍ଣ୍ଣଚନ୍ଦ୍ର ବେହେରା(୩୫)।
Sambad is now on WhatsApp
Join and get latest news updates delivered to you via WhatsApp
ସେ ଏବେ ଘଟଣାସ୍ଥଳଠାରୁ ପ୍ରାୟ ୩ କିଲୋମିଟର ଦୂର ବାରିଗାଁ ବସ୍ତିରେ ରହୁଥିବା ସୂଚନା ମିଳିଛି। ଭ୍ୟାନ୍ରେ ୩ ଟନ୍ରୁ ଅଧିକ ଓଜନର ମୂଲ୍ୟବାନ ମୁଗୁନି ପଥର ଥିବାବେଳେ ୨ ରୁ ୩ ଫୁଟ ଉଚ୍ଚତା ବିଶିଷ୍ଟ ଅଧିକାଂଶ ପଥର ରହିଛି। ଅଭିଯୁକ୍ତକୁ କେସ୍ ନଂ ୧୦୪/୨୦ ଏବଂ ଦଫା ୩୭୯ ଓ ୨୧ଏମ୍ଏମ୍ଡିଆର୍ ଆକ୍ଟ୍ ଆଧାରରେ କୋର୍ଟ ଚାଲାଣ କରାଯାଇଛି ବୋଲି ଥାନା ଅଧିକାରୀ ସଂଘମିତ୍ରା ନାୟକ ସୂଚନା ଦେଇଛନ୍ତି।