ଢେଙ୍କାନାଳ : ସହର ଦେଉଳସାହି ସ୍ଥିତ ପାଣିଓହଳା ପାହାଡ ଆଜି ମଧ୍ୟାହ୍ନରୁ ଜଳୁଛି । ହୁତୁହୁତୁ ହୋଇ ଜଳୁଥିବା ଜଙ୍ଗଲକୁ ବନ ବିଭାଗ ଓ ଅଗ୍ନିଶମ କର୍ମଚାରୀମାନେ ଆୟତ କରିବାକୁ ଉଦ୍ୟମ ଜାରି ରଖିଥିଲେ ମଧ୍ୟ ଖବର ଲେଖାହେବା ପର୍ଯ୍ୟନ୍ତ ସେଠାରୁ ନିଆଁ ଲିଭିପାରିନଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ସହରକୁ ଲାଗିରହିଛି ପାଣି ଓହଳା ପାହାଡ । ଆଜି ଦିନ ୨ଘଂଟାରୁ ହଠାତ୍ ପାହାଡଟି ଜଳୁଥିବା ଦେଖାଯାଇଥିଲା । ସେଠାରେ ନିଆଁ ଲାଗି ହୁ ହୁ ହୋଇ ଜଳି ଆଗକୁ ଆଗକୁ ମାଡି ଚାଲିଥିଲା । ନିଆଁର ଆଁରେ ବହୁ ଛୋଟବଡ ବୃକ୍ଷଲତା ପୋଡ଼ିଯାଇଛି । ବନବିଭାଗ ଓ ଅଗ୍ନିଶମ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଁଚି ନିଆଁକୁ ଆୟତ କରିବା ପାଇଁ ଉଦ୍ୟମ ଆରମ୍ଭ କରିଥିଲେ ମଧ୍ୟ ସଂଧ୍ୟା ୯ଟା ସୁଧା ନିଆଁ ଲିଭିପାରିନଥିବା ବେଳେ ଅଧିକାଂଶ ଜଙ୍ଗଲ ଅଂଚଳ ପୋଡି ଯାଇଛି । ନିଆଁ ଧାସରେ ଜଙ୍ଗଳରେ ରହିଥିବା ଜୀବଜନ୍ତୁ, ସରୀଶୃପମାନଙ୍କ ଅବସ୍ଥା ଶୋଚନୀୟ ହୋଇପଡିଛି । ପାହାଡ ପାଦଦେଶରେ ଜନବସତି ରହିଥିବାରୁ ନିଆଁ ଯୋଗୁଁ ସ୍ଥାନୀୟ ଅଂଚଳବାସୀ ମଧ୍ୟ ଆତଙ୍କିତ ହୋଇପଡିଛନ୍ତି ।
ଏ ସଂପର୍କରେ ଜିଲ୍ଲା ବନଖଣ୍ଡ ଅଧିକାରୀ ପ୍ରକାଶ ଚାନ୍ଦ ଗୋଗୀନେନୀ କୁହନ୍ତି ଯେ, ପାହାଡରେ ନିଆଁ ଲାଗିଥିବା ଖବର ପାଇ ବନ ବିଭାଗ ଏବଂ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଂଚି ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ । ନିଆଁ ଯେପରି ଆଗକୁ ଆଉ ନବ୍ୟାପିବ ସେଥିପାଇଁ ବ୍ୟବସ୍ଥା କରାଯାଇଛି । ଘଂଟାଏ ଦୁଇଘଂଟା ଜଳିବା ପରେ ଲିଭିଯିବ ବୋଲି ଶ୍ରୀ ଗୋଗିନେନୀ ପ୍ରକାଶ କରିଛନ୍ତି ।