ରାଜ୍ୟ ସରକାରଙ୍କ ପାଇଁ ୪୦୦, ଘରୋଇ ହସ୍ପିଟାଲ ପାଇଁ ୬୦୦ ଟଙ୍କା ଟିକା ମୂଲ୍ୟ ନିର୍ଦ୍ଧାରଣ କଲା ସେରମ ଇନଷ୍ଟିଚ୍ୟୁଟ
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ନିର୍ଦ୍ଦେଶ ଅନୁଯାୟୀ ରାଜ୍ୟ ସରକାର ଓ ଖୋଲା ବଜାରକୁ ୫୦ ପ୍ରତିଶତ ଟିକା ଯୋଗାଇବେ ଉତ୍ପାଦନକାରୀ ସଂସ୍ଥା । ଅଥାର୍ତ ଉତ୍ପାଦନକାରୀ ସଂସ୍ଥା ଠାରୁ ଟିକା କିଣିପାରିବେ ରାଜ୍ୟ ସରକାର । ତେବେ ଏହାପୂର୍ବରୁ ଟିକାର ଦର ସ୍ଥିର କରିଛି ଟିକା ଉତ୍ପାଦନକାରୀ ସଂସ୍ଥା ସେରମ ଇନଷ୍ଟିଚ୍ୟୁଟ ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ସରକାରଙ୍କୁ ୪୦୦ ଟଙ୍କାରେ ଏହି ଟିକା ଯୋଗାଇ ଦିଆଯିବ ସେହିଭଳି ପ୍ରାଇଭେଟ ହସ୍ପିଟାଲ ଗୁଡିକ ଏହି ଟିକା କିଣିଲେ ୬୦୦ ଟଙ୍କା ଦେବାକୁ ପଡିବ । ବିଶ୍ୱସ୍ତରରେ ବିକ୍ରି ହେଉଥିବା ଅନ୍ୟ ଟିକା ତୁଳନାରେ କୋଭିସିଲ୍ଡ ଟିକା ଟିକିଏ ଶସ୍ତା ରହିଛି ବୋଲି କମ୍ପାନି ପକ୍ଷରୁ କୁହାଯାଇଛି । ଯେଉଁଠି ଆମେରିକା ଭ୍ୟାକସିନର ଦର ୧୫୦୦, ରଷିଆ ଭ୍ୟାକସିନର ଦର ୭୫୦ ଓ ଚୀନ ଭ୍ୟାକସିନର ଦର ୭୫୦ ରହିଛି ।
ସେଠାରେ କୋଭିସିଲ୍ଡର ଦର ଅପେକ୍ଷାକୃତ କମ ରହିଛି । ଆସନ୍ତା ମେ ୧ରୁ ୧୮ ବର୍ଷରୁ ଅଧିକ ବୟସ୍କଙ୍କୁ ମଧ୍ୟ କରୋନା ଟିକା ଦିଆଯିବା ନେଇ ନିଷ୍ପତି ନିଆଯାଇଛି । ତେଣୁ ଏହାପୂର୍ବରୁ ଟିକାର ଦର ସ୍ଥିର କରିଛି କମ୍ପାନି ।