ଭୁବନେଶ୍ବର : ଚୀନର ରକେଟ୍ ଲଙ୍ଗ ମାର୍ଚ୍ଚ ୫ବିର ଧ୍ବଂସାବଶେଷ ରବିବାର ଦିନ ଭାରତ ମହାସାଗରରେ ପଡ଼ିବାପରେ ବି ସୋସିଆଲ ମିଡିଆରେ ଏହାକୁ ନେଇ ଚର୍ଚ୍ଚା ଥମୁନାହିଁ । ଏହି ରକେଟ ଧ୍ବଂସ ପାଇବା ଚୀନ ଅହଂକାର ଉପରେ ଏକ ପ୍ରହାର ବୋଲି ଅନେକ ମତ ଦେଉଛନ୍ତି ।
Sambad is now on WhatsApp
Join and get latest news updates delivered to you via WhatsApp
କଥା ହେଉଛି, କିଛିଦିନ ପୂର୍ବେ ଏହି ରକେଟର ସଫଳ ଉତକ୍ଷେପଣ ପରେ ଚୀନର କମ୍ୟୁନିଷ୍ଟ ପାର୍ଟି ଭାରତକୁ ତାଚ୍ଛଲ୍ୟ କରିଥିଲା । ଚୀନ ସୋସିଆଲ ମିଡିଆ ଓ୍ବେଇବୋରେ କମ୍ୟୁନିଷ୍ଟ ଦଳ ପକ୍ଷରୁ ଏକ ଫଟୋ ପୋଷ୍ଟ କରାଯ଼ାଇଥିଲା । ସେଥିରେ ଗୋଟିଏ ପଟେ ଏହି ରକେଟ ଉତକ୍ଷେପଣ ହେଉଥିବାବେଳେ ଅନ୍ୟପଟେ ଭାରତର ଏକ ଶ୍ମଶାନରେ କୋଭିଡ ମୃତକଙ୍କ ଚିତାଗ୍ନିର ଫଟୋ ରହିଥିଲା । ଏହି ଫଟୋ ସହ ଲେଖାଯ଼ାଇଥିଲା ‘ଚୀନ କେଉଁଠି ନିଆଁ ଲଗାଉଛି ଭାରତ କେଉଁଠି ନିଆଁ’ ଲଗାଉଛି ।
ଏହି ପୋଷ୍ଟକୁ ନେଇ ସବୁଆଡ଼େ ଏପରିକି ଚୀନରେ ମଧ୍ୟ ବିରୋଧ ପ୍ରକାଶ ପାଇବା ପରେ ତାହାକୁ ହଟାଇଦିଆଯ଼ାଇଥିଲା । ଗୋଟିଏ ଦେଶର ଦୁର୍ଦ୍ଦଶାକୁ ଏପରି ତାଚ୍ଛଲ୍ୟ କରିବାକୁ ଲୋକମାନେ ପସନ୍ଦ କରିନଥିଲେ । ଭାରତରେ ମଧ୍ୟ ଏହାକୁ ନେଇ ତୀବ୍ର ବିରୋଧ ପ୍ରକାଶ ପାଇଥିଲା ।
ଏବେ ମାତ୍ର କିଛି ଦିନ ପରେ ଉକ୍ତ ରକେଟକୁ ଧ୍ବଂସ ହୋଇ ସମୁଦ୍ରରେ ଖସିପଡ଼ିବା ପରେ ଅନେତ ତାହା ଚୀନର କର୍ମର ଫଳ ବୋଲି କହୁଛନ୍ତି । ଯ଼େଉଁ ରକେଟକୁ ତୁଳନାକରି ଚୀନ ଭାରତାୟ ଲୋକଙ୍କ ଦୁର୍ଦ୍ଦଶାକୁ ତାଚ୍ଛଲ୍ୟ କରୁଥିଲା, ସେହି ରକେଟ ଏବେ ସମଗ୍ର ବିଶ୍ବରେ ଚୀନର ମୁଣ୍ଡ ତଳକୁ କରିଦେଇଛି ।