ରାଉରକେଲା: ଆଜି ରାଉରକେଲା ଷ୍ଟେସନରୁ ୫ ନାବାଳକ ଉଦ୍ଧାର ହୋଇଛନ୍ତି। ଉଦ୍ଧାର ୫ ନାବାଳକଙ୍କୁ ରାଉରକେଲା ରେଳବାଇ ପୁଲିସ ବିଶ୍ରାସ୍ଥିତ ଚାଇଲ୍ଡ ଲାଇନ ‘ଦିଶା’କୁ ହସ୍ତାନ୍ତର କରିଛନ୍ତି। ସମସ୍ତ ପିଲା ବିହାର ବୋଲି ଜଣାପଡିଛି। ସେମାନେ ସେକ୍ଟର-୫କୁ ଯାଉଥିବା ପୁଲିସ ଆଗରେ କହିଛନ୍ତି। ପୁଲିସ ଏ ସଂକ୍ରାନ୍ତରେ ତାଙ୍କ ପରିବାରକୁ ସୂଚନା ଦେଇଛନ୍ତି। ପରିବାର ଲୋକ ରାଉରକେଲାରେ ପହଞ୍ଚିବା ପରେ ହସ୍ତାନ୍ତର କରାଯିବ ବୋଲି ପୁଲିସ କହିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଆଜି ଅପରାହ୍ନ ପ୍ରାୟ ସାଢ଼େ ୧୨ଟାରେ ରାଜେନ୍ଦ୍ରନଗର-ଦୁର୍ଗ ସାଉଥବିହାର ଏକ୍ସପ୍ରେସ୍ ରାଉରକେଲା ଷ୍ଟେସନରେ ପହଞ୍ଚିଥିଲା। ଜଣେ ବ୍ୟକ୍ତି ୫ ନାବାଳକଙ୍କୁ ଧରି ଟ୍ରେନ୍ରୁ ଓହ୍ଲାଇ କୋଭିଡ୍ ଯାଞ୍ଚ କେନ୍ଦ୍ରକୁ ଆସିଥିଲେ। ଯାଞ୍ଚ ଦାୟିତ୍ବରେ ଥିବା ସିଭିଲ ଡିଫେନ୍ସର ଶୁଭେନ୍ଦୁ ପଣ୍ଡା, ଅଜିତ ପ୍ରସାଦ, ଶରତ କିସାନ ଓ ଅରୁଣ ଖାଖା ନାବାଳକଙ୍କୁ ପଚରାଉଚୁରା କରିବାରୁ ସେମାନେ କିଛି କହି ପାରି ନଥିଲେ। ସନ୍ଦେହ ହେବାରୁ ପାଞ୍ଚ ନାବାଳକ ଓ ଦଲାଲକୁ ରେଳବାଇ ଥାନାକୁ ହସ୍ତାନ୍ତର କରିଥିଲେ। ଉଲ୍ଲେଖଯୋଗ୍ୟ, ଗତ ୧୬ରେ ରାଉରକେଲା ଷ୍ଟେସନର ପ୍ଲାଟଫର୍ମ ନଂ-୧ରୁ ରେଳବାଇ ପୁଲିସ ୭ ନାବାଳକଙ୍କୁ ଉଦ୍ଧାର କରିଥିଲେ। ସେମାନେ ସମସ୍ତେ ବିହାର ବାଙ୍ଗା ଜିଲ୍ଲାରେ ଥିଲେ। ନାବାଳକଙ୍କୁ କାହିଁକି ସେକ୍ଟର-୧୫କୁ ନିଆଯାଉଥିଲା ପୁଲିସ ତା’ର ତଦନ୍ତ କରୁଛି।