ନୂଆଦିଲ୍ଲୀ : ମଦ୍ରାସାଗୁଡ଼ିକ ଉପରେ ସର୍ଭେ କରିବାକୁ ଉତ୍ତରପ୍ରଦେଶ ସରକାରଙ୍କ ନିଷ୍ପତ୍ତି ଓ ତାପୂର୍ବରୁ ପରେ ମାଦ୍ରାସାଗୁଡ଼ିକ ପୁଣି ଚର୍ଚ୍ଚାକୁ ଆସିଛନ୍ତି । ଏ ପରିପ୍ରେକ୍ଷୀରେ ଜାତୀୟ ଶିଶୁ ଅଧିକାର ସୁରକ୍ଷା କମିସନ (ଏନସିପିସିଆର) ପକ୍ଷରୁ ଏକ ରିପୋର୍ଟ ପ୍ରକାଶ କରାଯାଇଛି । ଏଥିରେ କୁହାଯାଇଛି ଯେ ମାଦ୍ରାସାଗୁଡ଼ିକୁ ବର୍ଷକୁ ପ୍ରାୟ ୧୦ ହଜାର କୋଟି ଟଙ୍କାର ଅନୁଦାନ ଆସୁଛି । ତାହାର ଅଧା ଗୁପ୍ତ ଉତ୍ସରୁ ଆସୁଛି ।
Sambad is now on WhatsApp
Join and get latest news updates delivered to you via WhatsApp
ଏନସିପିସିଆର ରିପୋର୍ଟରେ ମଧ୍ୟ ଦର୍ଶାଯାଇଛି ଯେ ଆର୍ଥିକ ଅନୁଦାନ ବୃଦ୍ଧି ସତ୍ତ୍ବେ ଏହି ମଦ୍ରାସାଗୁଡ଼ିକରେ ପିଲାମାନଙ୍କୁ ଖାଇବା ବାବଦ ଖର୍ଚ୍ଚରେ ୫୦ ପ୍ରତିଶତ ହ୍ରାସ ଘଟିଛି । ରିପୋର୍ଟ ଅନୁଯାୟୀ, ପ୍ରତିବର୍ଷ ଦେଶରେ ଥିବା ମାଦ୍ରାସାଗୁଡ଼ିକୁ ପ୍ରାୟ ୧୦ ହଜାର କୋଟି ଟଙ୍କା ଆର୍ଥିକ ସହାୟତା ଆସୁଛି । ଆହୁରି ଚିନ୍ତାଜନକ କଥା ହେଉଛି, ଏହି ପରିମାଣର ୫୦ ପ୍ରତିଶତ ‘ଗୁପ୍ତ ଉତ୍ସ’ରୁ ଆସୁଛି ।
ଏନସିପିସିଆର ମୁଖ୍ୟ ପ୍ରିୟଙ୍କ୍ କାନୋଙ୍ଗୋ କହିଛନ୍ତି ଯେ, ଆମର ରିପୋର୍ଟ କହୁଛି ଯେ ଧୀରେ ଧୀରେ ମାଦ୍ରାସାଗୁଡିକର ଆୟରେ ବୃଦ୍ଧି ଘଟିଛି । କିନ୍ତୁ ପିଲାମାନଙ୍କ ଖାଦ୍ୟରେ ଖର୍ଚ୍ଚରେ ୫୦ ପ୍ରତିଶତ ହ୍ରାସ ଘଟିଛି । ଏଥିରୁ ସ୍ପଷ୍ଟ ହୋଇଛି ଯେ ଛାତ୍ରଛାତ୍ରୀଙ୍କ ଅବସ୍ଥା ଅତ୍ୟନ୍ତ ଖରାପ ସ୍ଥିତିରେ ରହିଛି । ପୁଣି ମାଦ୍ରାସାର ପାଠ୍ୟକ୍ରମ ଔରଙ୍ଗଜେବଙ୍କ ସମୟରୁ ବଦଳି ନାହିଁ । ଏହା ସ୍ପଷ୍ଟ ଯେ ମାଦ୍ରାସା ନାମରେ ବହୁ ଅର୍ଥ ଆସୁଛି, କିନ୍ତୁ ପିଲାମାନଙ୍କୁ ଯୋଗାଇବା ପାଇଁ ସେଗୁଡିକ ବ୍ୟବହାର କରାଯାଉ ନାହିଁ ।