ପୁଣି ରେକର୍ଡ କଲା ସୁନାଦର, ୧୦ ଗ୍ରାମ ପିଛା ୭୩,୭୫୦ ଛୁଇଁଲା
ନୂଆଦିଲ୍ଲୀ: ମଧ୍ୟପୂର୍ବରେ ଏକ ବଡ଼ ଯୁଦ୍ଧ ଆଶଙ୍କା ମଧ୍ୟରେ ଅନ୍ତର୍ଜାତୀୟ ବଜାରରେ ସୁନା ଦର ବଢିଚାଲିଛି । ଏହାର ପ୍ରଭାବରେ ଭାରତରେ ବି ସୁନା ଦର ନୂଆ ନୂଆ ରେକର୍ଡ କରିଚାଲିଛି । ନିବେଶକମାନେ ଷ୍ଟକବଜାର ଓ ମୁଦ୍ରାବଜାରର ନିବେଶ କାଢି ସୁନାରେ ନିବେଶ କରୁଥିବାରୁ ଦର ବଢୁଛି ।
Sambad is now on WhatsApp
Join and get latest news updates delivered to you via WhatsApp
୨୦୨୪ ଏପ୍ରିଲ ୧୬ ତାରିଖ ମଙ୍ଗଳବାର ସଂଧ୍ୟାସୁଦ୍ଧା ଦିଲ୍ଲୀ ଏନସିଆରର ବୁଲିଅନ୍ ବଜାରରେ ସୁନା ଦର ୧୦ ଗ୍ରାମ ପିଛା ୭୩,୭୫୦ ଟଙ୍କାର ରେକର୍ଡ ସ୍ତରରେ ପହଞ୍ଚିଛି । ପୂର୍ବରୁ ଏହାର ରେକର୍ଡ ଉଚ୍ଚ ମୂଲ୍ୟ ୭୩,୩୦୦ ଟଙ୍କା ଥିଲା, ଯାହା ଏପ୍ରିଲ ୧୨ରେ ବୁଲିଅନ୍ ବଜାରରେ ଦେଖିବାକୁ ମିଳିଥିଲା।
ଇରାନ ଓ ଇସ୍ରାଏଲ ମଧ୍ୟରେ ଉତ୍ତେଜନା ବଢ଼ୁଥିବା ବେଳେ ଦୃଢ଼ ବିଶ୍ବ ବଜାରର ପ୍ରଭାବ ଯୋଗୁଁ ସୁନା ଓ ରୂପା ଦର ସୁନା ଓ ରୁପା ମୂଲ୍ୟ ସର୍ବକାଳୀନ ସର୍ବୋଚ୍ଚ ସ୍ତରରେ ପହଞ୍ଚିଛି। ଏଚଡିଏଫସି ସିକ୍ୟୁରିଟିଜ୍ ଅନୁଯାୟୀ, ମଙ୍ଗଳବାର ଦିଲ୍ଲୀ ଏନସିଆରରେ ସୁନା ମୂଲ୍ୟ ୭୦୦ ଟଙ୍କା ବୃଦ୍ଧି ପାଇ ୧୦ ଗ୍ରାମ ପିଛା ୭୩,୭୫୦ ଟଙ୍କାରେ ପହଞ୍ଚିଛି । ସୋମବାର ୧୦ ଗ୍ରାମ ସୁନା ମୂଲ୍ୟ ୭୩,୦୫୦ ଟଙ୍କାରେ ବନ୍ଦ ହୋଇଥିଲା । ଗତ କାରବାରରେ ରୁପା ମୂଲ୍ୟ ୮୦୦ ଟଙ୍କା ବୃଦ୍ଧି ପାଇ କିଲୋଗ୍ରାମ ପିଛା ୮୬,୫୦୦ ଟଙ୍କାର ରେକର୍ଡ ସ୍ତରରେ ପହଞ୍ଚିଥିଲା ।