ବାଲେଶ୍ବର: ସଡ଼କ ଦୁର୍ଘଟଣାରେ ଜଣେ ମୃତ, ଅନ୍ୟ ଜଣେ ଗୁରୁତର
ବାଲେଶ୍ବର: ବାଲେଶ୍ବରର ମାର୍କୋଣାଠାରେ ଘଟିଯାଇଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି। ମୃତକ ଜଣକ ହେଉଛନ୍ତି ସୁମିତ୍ରା ମିଶ୍ର(୪୨) ଓ ଗୁରୁତର ହୋଇ ଚିକିତ୍ସାଧୀନ ଅବସ୍ଥାରେ ଅଛନ୍ତି ତାଙ୍କ ସ୍ବାମୀ ଧନେଶ୍ବର ମିଶ୍ର ।
Sambad is now on WhatsApp
Join and get latest news updates delivered to you via WhatsApp
ସୂଚନାରୁ ଜାଣିବାକୁ ମିଳିଛି ଯେ ଜଳେଶ୍ବରରେ ଚିକିତ୍ସିତ ହେଉଥିବା ନିଜର କେହି ସଂପର୍କୀୟଙ୍କୁ ଦେଖା କରିବା ପାଇଁ ମାର୍କୋଣାରୁ ଜଳେଶ୍ବର ଯାଉଥିଲେ ଧନେଶ୍ବର ଓ ସୁମିତ୍ରା। ସେମାନେ ବାଇକ୍ରେ କୁରୁଡା ଓଭର୍ ବ୍ରଜ୍ ଉପରକୁ ଉଠିବା ବେଳେ ଏକ ଅଜଣା ଗାଡ଼ି ଧକ୍କାରେ ଦୁହେଁ ଛିଟିକି ପଡ଼ିଥିଲେ। ଖବର ପାଇ ସଦର ଥାନା ପୁଲିସ୍ ଘଟଣାସ୍ଥଳରେ ପହଞ୍ଚି ଉଭୟ ପତି-ପତ୍ନୀଙ୍କୁ ଜିଲ୍ଲା ବଡ଼ ଡାକ୍ତରଖାନାକୁ ନେଇଥିଲା। ସେଠାରେ ଡାକ୍ତର ସୁମିତ୍ରାଙ୍କୁ ମୃତ ଘୋଷଣା କରିଥିଲେ। ଧନେଶ୍ବର ଏବେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି।