ଆଗାମୀ କିଛି ମାସରେ ୩୦ କୋଟି ଭାରତୀୟଙ୍କୁ କରୋନା ଟିକା ଦିଆଯିବ : ମୋଦୀ
ନୂଆଦିଲ୍ଲୀ : ମାତ୍ର ୧୨ ଦିନରେ ଭାରତ ପ୍ରାୟ ୨୩ ଲକ୍ଷ ସ୍ବାସ୍ଥ୍ୟକର୍ମୀଙ୍କୁ ଟିକା ଦେଇପାରିଛି । ଆଗାମୀ କିଛି ମାସ ମଧ୍ୟରେ ଭାରତ ପ୍ରାୟ ୩୦ କୋଟି ଲୋକ, ବିଶେଷକରି ବୃଦ୍ଧ ଓ ଅନ୍ୟରୋଗ ଥିବା ବ୍ୟକ୍ତିଙ୍କୁ ଟିକା ପ୍ରଦାନ ପାଇଁ ଲକ୍ଷ୍ୟ ରଖିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଭିଡିଓ କନଫରେନ୍ସିଂ ମାଧ୍ୟମରେ ଓ୍ବାର୍ଲଡ ଇକନୋମିକ ଫୋରମକୁ ଉଦବୋଧନ ଦେଇ ସେ କହିଛନ୍ତି ଯେ ଆଜିର ଏହି ନିରାଶାପୂର୍ଣ୍ଣ ସମୟରେ ସେ ୧୩୦ କୋଟି ଭାରତୀୟଙ୍କ ତରଫରୁ ଆଶା ଓ ଆତ୍ମବିଶ୍ବାସର ବାର୍ତ୍ତା ନେଇ ଆସିଛନ୍ତି । ସଂକଟର ଏହି ସମୟରେ ଭାରତ ବିଶ୍ବ ସମୁଦାୟ ପ୍ରତି ନିଜର ଦାୟିତ୍ବକୁ ନିର୍ବାହ କରିଚାଲିଛି । ବିମାନ ଚଳାଚଳ ବନ୍ଦ ଥିବାବେଳେ ଭାରତ ପ୍ରାୟ ୧ ଲକ୍ଷ ବିଦେଶୀ ନାଗରିକଙ୍କୁ ନିଜ ନିଜ ଦେଶକୁ ପଠାଇଛି ଓ ପ୍ରାୟ ୧୫୦ ଦେଶକୁ ଅତ୍ୟାବଶ୍ୟକ ଔଷଧ ପଠାଇଛି ।
ଏବେ ଭାରତରେ ନିର୍ମିତ ଦୁଇଟି କରୋନା ଟିକା ବିଶ୍ବରେ ପ୍ରଚଳିତ ଅଛି । ଆଗାମୀ ଦିନରେ ଆଉ କେତେକ ଭାରତ ନିର୍ମିତ ଟିକା ଆସିବ ।ଏବେ ଭାରତ ବିଶ୍ବ ବିଭିନ୍ନ ଦେଶକୁ ଟିକା ପଠାଇ ଲୋକମାନଙ୍କ ଜୀବନ ବଞ୍ଚାଉଛି । ଏହା ସହିତ ଟିକାକରଣ ପାଇଁ ଭିତ୍ତିଭୂମି ପ୍ରସ୍ତୁତ କରୁଛି ବୋଲି ମୋଦୀ କହିଛନ୍ତି ।