ବିହାର ନିର୍ବାଚନରେ କଂଗ୍ରେସ ଟିକଟରେ ମଇଦାନକୁ ଓହ୍ଲାଇବେ ଶତ୍ରୁଘ୍ନ ସିହ୍ନାଙ୍କ ପୁଅ
ପାଟନା: ଅଭିନେତାରୁ ନେତା ହୋଇଥିବା ଶତ୍ରୁଘ୍ନ ସିହ୍ନା ତାଙ୍କ ପୁଅ ଲଭ ସିହ୍ନାଙ୍କୁ ରାଜନୈତିକ ମଇଦାନରେ ଓହ୍ଲାଇବାକୁ ନିଷ୍ପତ୍ତି ନେଇଛନ୍ତି। ବିହାର ବିଧାନସଭା ନିର୍ବାଚନରେ ଲଭ ସିହ୍ନା ପାଟନାର ବାଙ୍କିପୁର ଆସନରୁ କଂଗ୍ରେସ ପ୍ରାର୍ଥୀ ଭାବରେ ଭାଗ୍ୟ ପରୀକ୍ଷା କରିବେ। ତେବେ ଲଭଙ୍କୁ ଏଠାରେ କଡା ପ୍ରତିଦ୍ଵନ୍ଦିତାର ସମ୍ମୁଖୀନ ହେବାକୁ ପଡିବ |
Sambad is now on WhatsApp
Join and get latest news updates delivered to you via WhatsApp
ଏଠାରେ ଲଭ ସିହ୍ନାଙ୍କ ବ୍ୟତୀତ ପ୍ଲୁରାଲ୍ସ ପାର୍ଟିର ପୁଷ୍ପମ ପ୍ରିୟା ଏବଂ ବିଜେପିର ତିନି ଥର ବିଧାୟକ ଥିବା ନିତିନ ନବୀନଙ୍କ ମଧ୍ୟରେ ତ୍ରିମୁଖୀ ପ୍ରତିଦ୍ୱନ୍ଦିତା ହେବ | ଏଠାରେ ସୂଚନା ଥାଉ କି ଶତ୍ରୁଘ୍ନ ସିହ୍ନା ଦୁଇଥର ପାଟନା ସାହିବ ସଂସଦୀୟ ଆସନରୁ ସାଂସଦ ଭାବେ ନିର୍ବାଚିତ ହୋଇଛନ୍ତି | କିନ୍ତୁ ଉଭୟ ଥର ସେ ବିଜେପି ଟିକେଟରେ ନିର୍ବାଚନରେ ଜିତିଛନ୍ତି। ତେବେ ୨୦୧୯ ଲୋକସଭା ନିର୍ବାଚନରେ ସେ କଂଗ୍ରେସ ଟିକେଟ୍ ରେ ଏହି ସ୍ଥାନରୁ ଲଢ଼ିଥିଲେ |
ଆଉ ବିଜେପି ତାଙ୍କ ପ୍ରତିଦ୍ବନ୍ଦୀ ଭାବେ ରବି ଶଙ୍କର ପ୍ରସାଦଙ୍କୁ ପ୍ରାର୍ଥୀ କରିଥିଲା | ଆଉ ରବି ଶଙ୍କର ଶତ୍ରୁଘ୍ନଙ୍କୁ ହରାଇଦେଇଥିଲେ | କଂଗ୍ରେସ ଟିକେଟରୁ ନିର୍ବାଚନ କ୍ଷେତ୍ରକୁ ଆସିଥିବା ଲଭ ସିହ୍ନା ଏଥର ମହାଗଠବନ୍ଧନର ସମର୍ଥନ ପାଇବେ। ଏହା ବ୍ୟତୀତ ଏହାର ସଂସଦୀୟ କ୍ଷେତ୍ରରୁ ପୂର୍ବରୁ ଦୁଇ ଥର ସାଂସଦ ଥିବାରୁ ଶତ୍ରୁଘ୍ନ ମଧ୍ୟ ନିଜ ପୁଅଙ୍କ ପାଇଁ କିଛି ଭୋଟ ଯୋଗାଡ କରିପାରିବେ ବୋଲି ଲୁହାଯାଉଛି |