ନୂଆଦିଲ୍ଲୀ: ଶହ ଶହ ବର୍ଷର ବ୍ରିଟିଶ ଶାସନ ଯୋଗୁଁ ସମୃଦ୍ଧଶାଳୀ ଭାରତ ଏକ ଗରିବ ଦେଶରେ ପରିଣତ ହୋଇଥିଲା । ଅନେକ ଅତ୍ୟାଚାର ସହିଥିଲେ ଭାରତବାସୀ । କିନ୍ତୁ ଏକଥା ସ୍ୱୀକାର କରିବାକୁ ହେବ ଯେ ବ୍ରିଟିଶମାନେ ଭାରତରେ ଯେଉଁ କେତୋଟି ଭଲ କାମ କରିଥିଲେ ତାହା ମଧ୍ୟରେ ଅନ୍ୟତମ ହେଉଛି ସାରା ଭାରତକୁ ରେଳବାଇ ଦ୍ୱାରା ସଂଯୋଗ କରିବା । ବ୍ରିଟିଶ ସରକାରଙ୍କ ଦ୍ୱାରା ସ୍ଥାପିତ ଭାରତୀୟ ରେଳ ଆଜି ପୃଥିବୀର ଏକ ବୃହତ ରେଳ ନେଟଓ୍ଵାର୍କ ମଧ୍ୟରୁ ଅନ୍ୟତମ । ସେମାନଙ୍କ ଦ୍ୱାରା ସ୍ଥାପିତ ରେଳ ଧାରଣା, ରେଳ ପୋଲ ଉପରେ ଆଜି ମଧ୍ୟ ରେଳଗାଡ଼ି ଦୌଡୁଛି । ଦେଶରେ ଥିବା ପ୍ରାୟ ୩୭ ହଜାର ରେଳ ବ୍ରିଜ ପ୍ରାୟ ୧୦୦ ବର୍ଷରୁ ଅଧିକ ପୁରୁଣା ବୋଲି ଭାରତ ସରକାର ସ୍ୱୀକାର କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଲୋକସଭାରେ ଏକ ପ୍ରଶ୍ନର ଉତ୍ତର ଦେଇ କେନ୍ଦ୍ର ରେଳ ରାଷ୍ଟ୍ରମନ୍ତ୍ରୀ ରାଜେନ ଗୋସାଇଁ କହିଛନ୍ତି ଯେ ସାରା ଦେଶରେ ଥିବା ପ୍ରାୟ ୩୭୧୬୨ଟି ରେଳବ୍ରିଜ ୧୦୦ ବର୍ଷ ପୁରୁଣା । ଏଥିରେ ଅନ୍ତର୍ଭୁକ୍ତ ରହିଛି ଉତ୍ତର ରେଳବାଇରେ ଥିବା ୮୬୯୧ଟି ରେଳବ୍ରିଜ, କେନ୍ଦ୍ରୀୟ ଜୋନର ୪୭୧୦ଟି, ପୂର୍ବାଞ୍ଚଳ ଜୋନର ୩୧୧୯ଟି, ଦକ୍ଷିଣ କେନ୍ଦ୍ରୀୟ ଜୋନର ୩୦୪୦ଟି ରେଳବ୍ରିଜ ।