ସିରିଆରେ ଋଷ ସାମରିକ ବିମାନ ଦୁର୍ଘଟଣାଗସ୍ତ, ୩୨ ମୃତ
ମସ୍କୋ : ଋଷିଆର ଏକ ସାମରିକ ପରିବହନ ବିମାନ ସିରିଆର ଦୁର୍ଘଟଣାଗ୍ରସ୍ତ ହେବାରୁ ସେଥିରେ ଥିବା ପ୍ରାୟ ୩୨ଜଣ ଯାତ୍ରୀ ପ୍ରାଣ ହରାଇଛନ୍ତି । ଏହି ଏଏନ-୨୬ ବିମାନଟି ସିରିଆର ଲାଟାକିଆ ରାଜ୍ୟରେ ଥିବା ଋଷ ସେନାର ମେଇମିମ ବିମାନଘାଟୀ ନିକଟରେ ଦୁର୍ଘଟଣାଗ୍ରସ୍ତ ହୋଇଥିବା ଋଷର ସମ୍ବାଦସରବରାହ ସଂସ୍ଥା ସ୍ପୁଟନିକ କହିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଏହି ବିମାନଟି ଦୁର୍ଘଟଣାଗସ୍ତ ହେବା ପଛରେ କୌଣସି ଆତଙ୍କବାଦୀ ସଂଗଠନର ହାତ ଥିବା ପ୍ରମାଣ ମିଳିନାହିଁ । ବିମାନଟି ଯାନ୍ତ୍ରିକ ତ୍ରୁଟି ଯୋଗୁଁ ଦୁର୍ଘଟଣାଗସ୍ତ ହୋଇଥାଇପାରେ ବୋଲି ଋଷ ସେନା ଅନୁମାନ କରୁଛି । ଋଷ ପ୍ରତିରକ୍ଷା ମନ୍ତ୍ରାଳୟର ସୂଚନା ଅନୁସାରେ ବିମାନଟି ମଙ୍ଗଳବାରଦିନ ସ୍ଥାନୀୟ ସମୟ ଅପରାହ୍ନ ୩ଟାବେଳେ ମେଇମିମ ବିମାନଘାଟୀର ରନେଓ୍ଵକୁ ଫେରୁଥିବାବେଳେ ମାତ୍ର ୫୦୦ ମିଟର ଦୂରରେ ଦୁର୍ଘଟଣାଗସ୍ତ ହୋଇ ଖସିପଡିଥିଲା । ଏଥିରେ ବିମାନରେ ସବାର ଥିବା ୩୨ ଜଣ ଯାତ୍ରୀ ମୃତ୍ୟୁବରଣ କରିଛନ୍ତି । ଗତ ଡିସେମ୍ବର ୨୦୧୬ରେ ଋଷର ସେନାର ଏକ ବିମାନ ଦୁର୍ଘଟଣାଗସ୍ତ ହେବାରୁ ସେଥିରେ ଥିବା ୯୨ ଜଣ ମୃତ୍ୟୁବରଣ କରିଥିଲେ ।