ନଦୀରେ ବୁଡ଼ିଗଲେ ଦୁଇ ଯୁବକ: ମିଳିଲା ଆଉ ଏକ ମୃତଦେହ LatestLeadingରାଜ୍ୟ By Sambad Digital Last updated Mar 19, 2024 ସେୟାର ରାଉରକେଲା: କୋଏଲ ନଦୀ ପଠାକୁ ପିକ୍ନିକ୍ କରିବାକୁ ଯାଇ ନଦୀରେ ବୁଡ଼ି ଯାଇଥିଲେ ଦୁଇ ଯୁବକ। ଗତକାଲି ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଥିବାବେଳେ ଆଜି ଅନ୍ୟ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ମଙ୍ଗଳବାର ସକାଳେ ଦୀର୍ଘ ସମୟଧରି ଖୋଜାଖୋଜି କରିବାପରେ ଅନିକେତ ବୋଦ୍ରା (୧୯)ଙ୍କ ମୃତଦେହ ଉଦ୍ଧାର ହୋଇଛି। ଉଭୟେ ସ୍ଥାନୀୟ ବୁଧୁବୀର ଆଇଟିଆଇର ପ୍ରଥମ ବର୍ଷ ଛାତ୍ର। ବ୍ୟବଚ୍ଛେଦ ପାଇଁ ଦୁଇ ଶବକୁ ମାର୍ଗ ହାଉସରେ ରଖାଯାଇଛି। Sambad is now on WhatsApp Join and get latest news updates delivered to you via WhatsApp Join Now ସୂଚନା ଅନୁସାରେ, ବନ୍ଧମୁଣ୍ଡା ଅଞ୍ଚଳର ୮ ଜଣ ଜଣ ଛାତ୍ର ସୋମବାର ପୂର୍ବାହ୍ନରେ ମିଟ୍କୁନ୍ଦୁରି କୋଏଲ ନଦୀ ପଠାକୁ ପିକନିକ୍ କରିବାକୁ ଯାଇଥିଲେ। ଏମାନଙ୍କ ମଧ୍ୟରୁ ୭ ଜଣ ହେଉଛନ୍ତି ସ୍ଥାନୀୟ ବୁଧୁବୀର ଆଇଟିଆଇର ଛାତ୍ର। ପ୍ରାୟ ୩/୪ ଜଣ ଯୁବକ ଗାଧେଇବାକୁ ନଦୀ ଭିତରକୁ ଯାଇଥିଲେ। ଜଣେ ସାଙ୍ଗ ବୁଡ଼ିଯାଉଥିବା ଦେଖି ନିତେଶ ମାହାତୋ(୨୧) ତାଙ୍କୁ ବଞ୍ଚାଇବାକୁ ଯାଇ ନଦୀ ଭିତରକୁ ପଶିଥିଲେ। ତେବେ ଚୋରାବାଲି ଯୋଗୁଁ ତାଙ୍କ ଗୋଡ଼ ଖସିବାରୁ ସେ ମଧ୍ୟ ବୁଡ଼ିଯାଇଥିଲେ। ଏନେଇ ସୂଚନା ପାଇ ଝିରପାଣି ପୁଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ବେଶ୍ କିଛି ସମୟପରେ ନିତେଶଙ୍କ ମୃତ ଦେହକୁ ଉଦ୍ଧାର କରାଯାଇଥିଲା। ତେବେ ଅନ୍ୟ ଜଣେ ଯୁବକ ନିଖୋଜ ଥିଲେ। ବିଶ୍ରା ଥାନା ପୁଲିସ ଏକ ମାମଲା ରୁଜୁକରି ତଦନ୍ତ ଆରମ୍ଭ କରିଛି।