ଭୁବନେଶ୍ୱର: ପୂର୍ବତନ ଆଇଏଏସ ଅଫିସର ଅପରାଜିତା ଷଡଙ୍ଗୀ ଆସନ୍ତା ମଙ୍ଗଳବାର ବିଜେପିରେ ଯୋଗଦେବେ । ଗେରୁଆ ଟୋପି ପିନ୍ଧିବା ପୂର୍ବରୁ ଏହି ତାଙ୍କର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଯେଉଁ ଭିଡିଓରେ ଅପରାଜିତାଙ୍କ ବିଜେପି ଠାଣିରେ ଦେଖିବାକୁ ମିଳିଛି । ବିଜେପି ନେତାଙ୍କ ଅନ୍ଦାଜରେ ରାଜ୍ୟ ସରକାରଙ୍କୁ ଟାର୍ଗେଟ କରିବାକୁ ଭୁଲି ନାହାନ୍ତି ଅପରାଜିତା । ଆଉ ଏହାସହ ମୋଦିଙ୍କ ‘ସବକା ସାଥ୍ ସବକା ବିକାଶ’ର ନାରା ଦେବାକୁ ଭୁଲି ନାହାନ୍ତି ଅଫିସରରୁ ନେତା ହେବାକୁ ଯାଉଥିବା ଅପରାଜିତା ।
Sambad is now on WhatsApp
Join and get latest news updates delivered to you via WhatsApp
ରାଜନୈତିକ ମୈଦାନରେ ଏଣ୍ଟ୍ରି ମାରିବା ପୂର୍ବରୁ ଅପରାଜିତାଙ୍କ ଉପରେ ପ୍ରସ୍ତୁତ ହୋଇଥିବା ଏକ ଡକ୍ୟୁମେଣ୍ଟାରି ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଯେଉଁ ଡକ୍ୟୁମେଣ୍ଟାରୀ ମାଧ୍ୟମରେ ଆଇଏଏସ ଅଫିସର ଭାବେ ଅପରାଜିତାଙ୍କ ପୂରା ଯାତ୍ରାକୁ ଏଭଳି ଢଙ୍ଗରେ ଦେଖାଯାଇଛି ଯାହା ତାଙ୍କୁ ଆଗାମୀ ନିର୍ବାଚନରେ ମାଇଲେଜ ଦେବ । ଏପରିକି ଆଇଏଏସ ଅଫିସର ଭାବେ ପାଇଥିବା ସଫଳତାକୁ ରାଜନୀତି ମୈଦାନରେ ଦୋହରାଇବାକୁ ଲକ୍ଷ୍ୟ ରଖିଛନ୍ତି ଅପରାଜିତା ।
ବିଶେଷ କରି ଗଣଶିକ୍ଷା ବିଭାଗର ସଚିବ ବେଳେ ନେଇଥିବା ଗୁରୁତ୍ୱପୁର୍ଣ୍ଣ ନିଷ୍ପତି ଓ ବିଏମସି କମିସନର ଭାବେ ତାଙ୍କର କାର୍ଯ୍ୟାବଳୀକୁ ଏହି ଡକ୍ୟୁମେଂଟାରିରେ ଦର୍ଶାଯାଇଛି । ଡକ୍ୟୁମେଂଟାରିରେ ଥିବା ତାଙ୍କ ମନ୍ତବ୍ୟରୁ ଜଣାପଡୁଛି ରାଜ୍ୟର ଗରିବୀକୁ ନେଇ ରାଜନୀତିର କାର୍ଡ ଖେଳିବାକୁ ଯାଉଛନ୍ତି ଅପରାଜିତା । ଏପରିକି ଓଡିଶାର ଗରିବୀକୁ ନେଇ ମଧ୍ୟ ରାଜ୍ୟ ସରକାରଙ୍କ କାର୍ଯ୍ୟଶୈଳୀ ଉପରେ ପ୍ରଶ୍ନ ଉଠାଇଛନ୍ତି ଅପରାଜିତା । ତେଣୁ ଏହି ବାବଦରେ ଲୋକମାନଙ୍କ ସହ ଆଲୋଚନା କରି କାମ କରିବା ଆବଶ୍ୟକ ବୋଲି କହିଛନ୍ତି ଏହି ପୂର୍ବତନ ପ୍ରଶାସିକା ।
କେଉଁ ଭୂମିକାରେ ସେ ରାଜନୀତିର କ୍ୟାରିୟରକୁ ଆଗକୁ ନେବେ ଏ ନେଇ ଭୁବନେଶ୍ୱରରୁ ଦିଲ୍ଲୀ ପର୍ଯ୍ୟନ୍ତ ଚର୍ଚ୍ଚା ଚାଲିଥିବା ବେଳେ ଏହି ଡକ୍ୟୁମେଂଟାରୀ ମାଧ୍ୟମରେ ନିଜ ଆଭିମୁଖ୍ୟ ରଖିଛନ୍ତି ଅପରାଜିତା ଷଡ଼ଙ୍ଗୀ ।