୧୫ କିଲୋଗ୍ରାମ ଗଞ୍ଜେଇ ସହିତ ମୋଟର ସାଇକେଲ ଜବତ, ୨ ଗିରଫ
ଭଦ୍ରକ: ଜିଲ୍ଲାପାଳ ଡ. ଜ୍ଞାନ ଦାସଙ୍କ ନିର୍ଦେଶକ୍ରମେ ଓ ଉପ-ଜିଲ୍ଲାପାଳ ପିତାମ୍ବର ସାମଲଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଜିଲ୍ଲା ଅବକାରୀ ବିଭାଗ ପକ୍ଷରୁ ଅବକାରୀ ନିରୀକ୍ଷକ ଧନେଶ୍ୱର ବରାଡ଼ ଏବଂ ଭଦ୍ରକ ଅବକାରୀ ଥାନା ଭାରପ୍ରାପ୍ତ ଅଧିକାରୀ ସନ୍ତୋଷ କୁମାର ବଳ ଓ ଷ୍ଟାଫମାନଙ୍କୁ ନେଇ ଗଠିତ ଏକ ସ୍ୱତନ୍ତ୍ର ଟିମ ଦ୍ୱାରା ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ନଳାଙ୍ଗ ଛକ ନିକଟରେ ଚଢ଼lଉ କରାଯାଇ ଗୋଟିଏ ହୋଣ୍ଡା ୟୁନିକର୍ଣ୍ଣ ମୋଟର ସାଇକେଲ(ଓଡି-୨୨କ୍ୟୁ-୪୨୩୯) ରୁ ୧୫ କିଲୋଗ୍ରାମ ଗଞ୍ଜେଇ ଜବତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏଥିସହିତ ଏଥିରେ ସଂପୃକ୍ତ ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ନଳାଙ୍ଗ ଗ୍ରାମର ସୁକାନ୍ତ ଚୌଧୁରୀ ଓ ଆର.ଏନ.ବେତଡା ଗ୍ରାମର ରତ୍ନାକର ପଣ୍ଡାଙ୍କୁ ଗିରଫ କରାଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୧ ଲକ୍ଷ ୫୦ ହଜାର ଟଙ୍କାରୁ ଉର୍ଦ୍ଧ୍ବ ହେବ ବୋଲି ଅବକାରୀ ବିଭାଗ ସୂଚନା ଦେଇଛି। ଉକ୍ତ ଚଢାଉରେ ଏସ୍.ଆଇ ବ୍ରଜମୋହନ ମଲ୍ଲିକ, ଏ.ଏସ୍.ଆଇ ଭବେଶ ଦାସ, ଦୀପକ ରାଉତ , କନେଷ୍ଟବଳ ପ୍ରଦୀପ ମଲ୍ଲିକ,ରମେଶ ନାୟକ, ଅଜିତ କୁମାର ସିଙ୍କୁ, ମିଥୁନ ଜେନା, ରଶ୍ମିରେଖା ଜେନା, ସଂଧ୍ୟାରାଣୀ ସେନାପତି ପ୍ରଭୃତି ଷ୍ଟାଫ ସାମିଲ ଥିଲେ । ଏନେଇ ଅବକାରୀ ବିଭାଗ କେସ ନଂ: ୧୧/୨୦୨୧-୨୨ ମୂଳେ ମାମଲା ରୁଜ୍ଜୁ କରାଯାଇଛି