ଭୁବନେଶ୍ବରରେ ଅଡିର ପ୍ରି-ଓନ୍ଡ କାର୍ ସୋ’ରୁମ୍
ଭୁବନେଶ୍ବର: ଅଡି ପକ୍ଷରୁ ଭୁବନେଶ୍ବରରେ ଏକ ପ୍ରି-ଓନ୍ଡ ଲକ୍ଜୁରି କାର୍ ସୋ’ରୁମ୍ ଖୋଲାଯାଇଛି। ଏହାକୁ ୪୫୦୦ ବର୍ଗଫୁଟରୁ ଅଧିକ ସ୍ଥାନରେ ସ୍ଥାପନ କରାଯାଇଛି ଯାହା ଭୁବନେଶ୍ବର ଓ ଏହାର ଆଖାପାଖ ଅଞ୍ଚଳରେ ପ୍ରି-ଓନ୍ଡ ଅଡି କାର୍କୁ ନେଇ ବଢ଼ୁଥିବା ଚାହିଦା ପୂରଣ କରିବ। ଏହି ଅବସରରେ ଅଡି ଭୁବନେଶ୍ବରର ପ୍ରିନ୍ସିପାଲ୍ ଡିଲର୍ ଦେବଜ୍ୟୋତି ପଟ୍ଟନାୟକ କହିଛନ୍ତି ଯେ ଅଡି ସହିତ ଆମର ସହଯୋଗିତା ବହୁଦିନର ଓ ଫଳପ୍ରଦ ମଧ୍ୟ। ପ୍ରି-ଓନ୍ଡ କାର୍ ସୋ’ରୁମ୍ ଖୋଲି ଆମେ ଏହି ସମ୍ପର୍କକୁ ଆଗକୁ ବଢ଼ାଇଛୁ ଏବଂ ଏହି ଅଞ୍ଚଳର ଗ୍ରାହକଙ୍କୁ ସେବା ପ୍ରଦାନ କରିବାକୁ ଚାହିରହିଛୁ।
Sambad is now on WhatsApp
Join and get latest news updates delivered to you via WhatsApp
ଅଡି ଇଣ୍ଡିଆର ମୁଖ୍ୟ ବଲବୀର ସିଂହ ଢିଲୋନ୍ କହିଛନ୍ତି ଯେ ଭୁବନେଶ୍ବରରେ ପ୍ରି-ଓନ୍ଡ କାର୍ର ଚାହିଦା ବଢ଼ିବାରେ ଲାଗିଛି। ସେହି ଚାହିଦା ପୂରଣ କରିବା ଲାଗି ଆମେ ପ୍ରି-ଓନ୍ଡ କାର୍ ସୋ’ରୁମ୍ ଖୋଲିଛୁ। ସାର୍ଟିଫାଏଡ୍ ପ୍ରି-ଓନ୍ଡ କାର୍ ଉପରେ ଅଡି ପକ୍ଷରୁ ୨ ବର୍ଷର ଅସୀମିତ କିଲୋମିଟର ୱାରେଣ୍ଟି ପ୍ରଦାନ କରୁଛି। କଂପାନି ପକ୍ଷରୁ କାର୍ର ୩୦୦ରୁ ଅଧିକ ସ୍ଥାନ ଯାଞ୍ଚ କରାଯାଉଛି ଏବଂ ସଡ଼କରେ ସମ୍ପୂର୍ଣ୍ଣ ପରୀକ୍ଷଣ କରାଯାଉଛି। କଂପାନି ସହଜ ଫାଇନାନ୍ସ ଓ ବୀମା ସୁବିଧା ମଧ୍ୟ ପ୍ରଦାନ କରୁଛି।