ସପ୍ତାହରେ ଗଲାଣି ୨ ହଜାର ଚାଲାଣ: ଟ୍ରାଫିକ ନିୟମ ଉଲ୍ଲଂଘନକାରୀଙ୍କ ଅଡ଼ୁଆ ବଢ଼ୁଛି
କ୍ୟାମେରାରୁ ସିଧା ମୋବାଇଲକୁ ଯାଉଛି ଏସ୍ଏମ୍ଏସ୍
ଭୁବନେଶ୍ବର: ରାଜଧାନୀର ୧୩ଟି ପ୍ରମୁଖ ସ୍ଥାନରେ ସ୍ମାର୍ଟ ସିଟି ପକ୍ଷରୁ ଅତ୍ୟାଧୁନିକ କ୍ୟାମେରା ଖଞ୍ଜାଯାଇଛି। ସେଠାରେ ଟ୍ରାଫିକ ଆଇନ ଉଲ୍ଲଂଘନକାରୀଙ୍କ ପାଇଁ ଅଡ଼ୁଆ ବଢ଼ିବାରେ ଲାଗିଛି। ଘଣ୍ଟା ପ୍ରତି ୫୦ କିଲୋମିଟର ବେଗରୁ ଅଧିକ ଓ ମୋବାଇଲ ଫୋନରେ କଥାବାର୍ତ୍ତା ହୋଇ ଯାଉଥିବା ଗାଡ଼ି ଚାଳକଙ୍କ ପାଖକୁ ସିଧାସଳଖ ଚାଲାଣ ଯାଉଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲଂଘନକାରୀଙ୍କ ନମ୍ବର କ୍ୟାମେରାରେ କଏଦ ହେବା ସହ ଉଲ୍ଲଂଘନକାରୀଙ୍କ ମୋବାଇଲ ଫୋନକୁ ଏସ୍ଏମ୍ଏସ୍ ଜରିଆରେ ଚାଲାଣ ପହଞ୍ଚି ଯାଉଛି। ପ୍ରତିଦିନ ପ୍ରାୟ ୨ ଶହରୁ ୩ ଶହ ଚାଲାଣ ଯାଉଥିବା ଜଣାପଡ଼ିଛି। ସପ୍ତାହରେ ପ୍ରାୟ ଦୁଇ ହଜାର ଚାଲାଣ ଯାଇଥିବା କୁହାଯାଉଛି। ସୂଚନାଯୋଗ୍ୟ, ପଟିଆ, ପାଵାର ହାଉସ୍, କଳିଙ୍ଗ ଷ୍ଟାଡିଅମ, କ୍ୟାପିଟାଲ ହସ୍ପିଟାଲ, କିଟ୍ ଛକ, ଶିଶୁଭବନ ଛକ, କିଟ୍ ୩ ନମ୍ବର କ୍ୟାମ୍ପସ, ବାଣୀବିହାର, ଶାସ୍ତ୍ରୀନଗର, ରାଜମହଲ, ଟ୍ରାଇଡେଣ୍ଟ, ନାକା ଗେଟ୍ ଆଦି ସ୍ଥାନରେ କ୍ୟାମେରା ଲଗାଯାଇଛି।