ସାନ୍ ଫ୍ରାନସିସକୋ : ଆମେରିକାର ଗୋଟିକ ପରେ ଗୋଟିଏ ବ୍ୟାଙ୍କ ବିଫଳ ହେବାରେ ଲାଗିଛି । ଫାଷ୍ଟ ରିପବ୍ଲିକ ନାମକ ବ୍ୟାଙ୍କ ଦେବାଳିଆ ଘୋଷିତ ହୋଇଛି । ଏହା ପରେ ଆମେରିକାର ଆର୍ଥିକ କର୍ତ୍ତୃପକ୍ଷ କାଲିଫର୍ଣ୍ଣିଆର ଏହି ବ୍ୟାଙ୍କକୁ ନିୟନ୍ତ୍ରଣକୁ ନେଇଛନ୍ତି । ବ୍ୟାଙ୍କିଙ୍ଗ୍ କାର୍ଯ୍ୟରେ ବିଫଳ ହେବା ପରେ ବ୍ୟାଙ୍କ ଉପରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ଜେପି ମୋର୍ଗାନ ଚେଜ୍ ବ୍ୟାଙ୍କ ଏହି ବ୍ୟାଙ୍କକୁ ଅଧିଗ୍ରହଣ କରିବ। ଫେଡେରାଲ ଡିପୋଜିଟ ଇନସ୍ୟୁରାନ୍ସ କର୍ପୋରେସନ ଏକ ବିବୃତିରେ କହିଛି ଯେ ଜମାକାରୀଙ୍କ ଟଙ୍କାକୁ ସୁରକ୍ଷିତ ରଖିବା ପାଇଁ ଏଫଡିଆଇସି ବ୍ୟାଙ୍କ ଜେପି ମୋର୍ଗାନ ଚେଜ୍ ବ୍ୟାଙ୍କ, ନ୍ୟାସନାଲ ଆସୋସିଏସନ୍, କଲମ୍ବସ, ଓହିଓ ସହିତ ଏକ କ୍ରୟ ଚୁକ୍ତି ଉପରେ କଥା ହୋଇଛି । ଏବେ ଫାଷ୍ଟ ରିପବ୍ଲିକ ବ୍ୟାଙ୍କର ଜମା ଓ ସବୁ ସମ୍ପତ୍ତି ସେମାନଙ୍କ ନିକଟକୁ ହସ୍ତାନ୍ତର କରାଯିବ।
Sambad is now on WhatsApp
Join and get latest news updates delivered to you via WhatsApp
କାଲିଫର୍ଣ୍ଣିଆ ର ଆର୍ଥିକ ସୁରକ୍ଷା ଏବଂ ଉଦ୍ଭାବନ ବିଭାଗ କହିଛି ଯେ ଜେପି ମୋର୍ଗାନ ବର୍ତ୍ତମାନ ବୀମା ବିହୀନ ଏବଂ ଯଥେଷ୍ଟ ସମ୍ପତ୍ତି ସମେତ ସମସ୍ତ ଜମା ଅଧିଗ୍ରହଣ କରିବ।
ଫାଷ୍ଟ ରିପବ୍ଲିକ ସରକାରଙ୍କୁ କୌଣସି ପ୍ରକାରର ପ୍ରଭାବୀ ଉଦ୍ଧାର ଯୋଜନା ପ୍ରଦାନ କରିବାରେ ଅସମର୍ଥ ହୋଇଥିଲା ଏବଂ ଗତ ସପ୍ତାହରେ ଘୋଷଣା କରିଥିଲା ଯେ ବ୍ୟାଙ୍କ ପ୍ରଥମ ତ୍ରୈମାସରେ ୧୦୦ ବିଲିୟନ ଡଲାର ଜମା ହରାଇଛି, ଯାହା ଫଳରେ ବ୍ୟାଙ୍କର ସେୟାର ହ୍ରାସ ପାଇଛି ।