୩ୟ ଟି୨୦: ଭାରତକୁ ୧୪୭ ରନ୍ର ବିଜୟ ଲକ୍ଷ୍ୟ ଦେଲା ଶ୍ରୀଲଙ୍କା
ଧର୍ମଶାଳା: ଭାରତ ଓ ଶ୍ରୀଲଙ୍କା ମଧ୍ୟରେ ହିମାଚଳ ପ୍ରଦେଶର ଧର୍ମଶାଳା ଠାରେ ୩ୟ ତଥା ଅନ୍ତିମ ଟି-୨୦ ଜାରି ରହିଛି। ଶ୍ରୀଲଙ୍କା ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଅତିଥି ଦଳ ୨୦ ଓଭରରେ ୫ ଓ୍ଵିକେଟ୍ ହରାଇ ୧୪୬ ରନ୍ କରିଛି। ଟସ୍ ଜିତି ବ୍ୟାଟିଂ ଆରମ୍ଭ କରିବା ପରେ ଶ୍ରୀଲଙ୍କାର ବ୍ୟାଟିଂ ଲାଇନ୍ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ଶ୍ରୀଲଙ୍କା ୧୨.୧ ଓଭରରେ ୬୦ ରନରେ ୫ଟି ଓ୍ଵିକେଟ୍ ହରାଇଥିଲା। ଶ୍ରୀଲଙ୍କାର ପ୍ରଥମ ୪ ଜଣ ବ୍ୟାଟର୍ ଦୁଇ ଅଙ୍କ ବିଶିଷ୍ଟ ସଂଖ୍ୟା ସ୍କୋରକୁ ପହଞ୍ଚି ପାରିନଥିଲେ। ଅଧିନାୟକ ଦିନେଶ୍ ଚାନ୍ଦିମାଲ ୨୭ଟି ବଲରେ ୨୫ ରନ୍ କରିଥିଲେ।
Sambad is now on WhatsApp
Join and get latest news updates delivered to you via WhatsApp
୬୦ ରନ୍ରେ ୫ଟି ଓ୍ଵିକେଟର ପତନ ପରେ ଦସୁନ୍ ଶନକା ଓ ଚାମିକା କରୁଣାରତ୍ନେ ଷଷ୍ଠ ଓ୍ଵିକେଟରେ ଅପରାଜିତ ୮୬ ରନର ପାର୍ଟନରସିପ୍ ଗଢି ଦଳକୁ ଏକ ସମ୍ମାନଜନକ ସ୍କୋର୍ ପର୍ଯ୍ୟନ୍ତ ପହଞ୍ଚାଇଥିଲେ। ଗତକାଲି ପରି ଦସୁନ୍ ଶନକା ଆଜି ପୁଣି ଏକ ବିସ୍ପୋରକ ଓ ଆକର୍ଷଣୀୟ ପାଳି ଖେଳିଥିଲେ। ଦସୁନ୍ ଶନକା ମାତ୍ର ୩୮ଟି ବଲ୍ ଖେଳି ୯ଟି ଚୌକା ଓ ୨ଟି ଛକା ସହ ୧୯୪.୭୪ ଷ୍ଟ୍ରାଇକ୍ ରେଟରେ ୭୪ ରନ୍ କରିଥିଲେ। ଚାମିକା କରୁଣାରତ୍ନେ ୧୯ ବଲ୍ ଖେଳି ୧୨ ରନ୍ କରିଥିଲେ। ଭାରତ ପକ୍ଷରୁ ଦ୍ରୁତ ବୋଲର୍ ଆଭେଶ୍ ଖାନ୍ ୨ଟି, ମହମ୍ମଦ ସିରାଜ୍, ହର୍ଷଲ୍ ପଟେଲ୍ ଓ ସ୍ପିନର୍ ରବି ବିଷ୍ଣୋଇ ଗୋଟିଏ ଲେଖାଏଁ ଓ୍ଵିକେଟ୍ ଅକ୍ତିଆର କରିଥିଲେ।